پاکستان مسلم لیگ ن تعلق رکھنے والے وفاقی وزیروں نے بغیر تنخواہ کام کرنے کا فیصلہ کیا ہے۔ مسلم لیگ ن کے وزرا نے وزیرِ اعظم شہباز شریف سے ملاقات میں بغیر تنخواہ کام کرنے کا کہا۔ وزرا نے یہ فیصلہ ملک کو درپیش معاشی مشکل حالات کے پیش نظر قومی جذبے کے تحت کیا۔ واضح رہے کہ 12 وفاقی وزرا اور 3 وزرائے مملکت کا تعلق مسلم لیگ ن سے ہے۔ مسلم لیگ ن کے وفاقی وزرا اور وزرائے مملکت رضا کارانہ بنیادوں پر کام کریں گے۔ وزیرِ اعظم شہباز شریف 14 معاونین خصوصی کی بلامعاوضہ کام کرنے کی درخواست منظور کر چکے ہیں۔
