پشاور: این اے 22 ضمنی الیکشن کی انتخابی مہم کے سلسلے میں الیکشن کمیشن نے وزیراعلٰی کے پی کے، گورنر، وزرا، مشیران اور معاونین خصوصی کو 13 اکتوبر کو پی ٹی آئی مردان جلسہ میں شرکت سے روکنے کا حکم جاری کردیا۔
ڈسٹرکٹ مانیٹرنگ آفیسر مردان نے کمشنر و ڈپٹی کمشنر مردان کو مراسلہ لکھا ہے کہ جلسہ میں ریاستی وسائل کے استعمال نہ کرنے کو یقینی بنایاجائے۔
الیکش کمیشن نے اپنے بیان میں مزید کہا ہے کہ مردان جلسہ میں ضابطہ اخلاق پر عمل درآمد یقینی بنایاجائے۔
علاوہ ازیں الیکشن کمیشن نے پی ڈی ایم کے سربراہ مولانا فضل الرحمان کے 12 اکتوبر کو مردان جلسہ میں ضابطہ اخلاق پر عمل درآمد کی ہدایت بھی جاری کی ہے۔
