اسلام آباد: پی ایس ایل خورد برد سمیت دیگر معاملات پر پی اے سی نے چیئرمین پی سی بی سے تحقیقات کا فیصلہ کرلیا۔ چیئرمین پاکستان کرکٹ بورڈ(پی سی بی) کیخلاف پاکستان سپر لیگ (پی سی ایل) میں مبینہ خورد برد کروڑوں روپے مالیت کی بلٹ پروف گاڑی کی خریداری سمیت دیگر معاملات پر پبلک اکانٹس کمیٹی تحقیقات کریگی۔ وزارت نے پی سی بی کے مالی معاملات میں بدانتظامی پر آڈٹ کا معاملہ پبلک اکانٹس کمیٹی کے سپرد کرنے کا عندیہ دیدیا، وفاقی وزیر بین الصوبائی روابط و کھیل احسان الرحمن مزاری نے کہا پاکستان کرکٹ بورڈ میں مالی معاملات مشکوک ہیں ،معاملہ پبلک اکاونٹس کمیٹی کے حوالے کر رہے ہیں جونیئر لیگ پی ایس ایل اور دیگر مالی معاملات میں شفافیت نہیں ہے نجی ٹی چینل سے گفتگو کرتے ہوئے وفاقی وزیر نے کہا پی سی بی کے ہر شعبے کا آڈٹ ہوگا اور جن افراد نے پی سی بی کے خرچے پر بیرونی دورے کیے ان بھی تفیصلات طلب کی جائیں گی، جونیئر لیگ، پاکستان سپر لیگ اور چیئرمین پاکستان کرکٹ بورڈ(پی سی بی) کیجانب سے کروڑوں کی بلٹ پروف گاڑی کی خریداری سمیت دیگر معاملات پر بھی کڑی تنقید کی جا رہی ہے، معاملات کی چھان بین کے بعد شفافیت عوام کے سامنے لائی جائے۔
