اسلام آباد: پاکستان اور آئی ایم ایف کے درمیان اسٹاف سطع کے معاہدے کے معاملے پر مذاکرات میں اہم پیشرفت ہوئی ہے جس میں آئی ایم ایف اور پاکستان کے درمیان رواں سال بیرونی فنانسنگ 7 ارب ڈالر کے بجائے 6 ارب ڈالر کرنے پر اتفاق ہوا ہے۔ اس پیشرفت کی بنیاد پر وزارت خزانہ نے ایک مرتبہ پھر اگلے دو روز میں آئی ایم ایف کے ساتھ اسٹاف سطع کے معاہدے کی توقع ظاہر کی ہے۔ ذرائع کے مطابق وزارت خزانہ اور دفتر خارجہ کے امریکا اور دیگر ممالک سے رابطوں میں پیشرفت ہوئی۔ وزیر خارجہ اور خزانہ نے آئی ایم ایف کی مشکل شرائط پر دوست ممالک سے مدد کی درخواست کی ہے۔
