پروویڈینس: ٹی ٹوئنٹی ورلڈ کپ کے نویں میچ میں یوگانڈا نے پاپوا نیو گنی کو 3 وکٹوں سے شکست دے دی۔ پروویڈنس میں کھیلے گئے گروپ سی کے میچ میں یوگانڈا نے 78 رنز کا ہدف 19 ویں اوور میں 7 وکٹوں کے نقصان پر حاصل کیا۔ یوگانڈا کی جانب سے ریاضت علی شاہ 33 رنز بنا کر نمایاں رہے۔ جوما میاگی 13، الپیش رامجانی 8، سائمن سسازی، روبنسن اوبُیا 1، 1 جبکہ دِنیش ناکرانی اور روجر موکوسا 0، 0 رن بنا کر آؤٹ ہوئے۔پاپوا نیو گنی کی جانب سے الی ناؤنے 2 جبکہ نورمن وینیوا، چاڈ سوپر اور کپتان اسد والا نے 1، 1 وکٹ حاصل کی۔اس سے قبل یوگانڈا کی دعوت پر پہلے کھیلتے ہوئے پاپوا نیو گنی نے 20 ویں اوور میں 77 رنز پر ڈھیر ہوگئی۔ پاپوا نیو گنی کی جانب سے ہِری ہِری 15 جبکہ لیگا سیاکا اور کپلن ڈوریگا 12، 12 رنز بنا کر نمایاں رہے۔ سیسے باؤ 5، چارلس امینی 5، نورمن وینیوا 5، الی ناؤ 5، چاڈ سوپر 4، ٹونی ارا 1 اور کپتان اسد والا 0 رن بنا کر پویلین لوٹے۔یوگانڈا کی جانب سے الپش رامجانی، جوما میاگی، کوسماس کائیوٹا اور فرینک سوبوگا نے 2، 2 جبکہ کپتان برائن مسابا نے 1 وکٹ حاصل کی۔
