علاقائی

وجیہہ سواتی قتل کیس میں ملوث ملزمان کا چار روزہ ریمانڈ

وجیہہ سواتی قتل کیس میں ملوث ملزمان کا چار روزہ ریمانڈ

راولپنڈی : عدالت نے امریکی نژاد خاتون وجیہہ سواتی کے اغواء اور قتل کے مقدمے میں ملوث ملزمان کے جسمانی ریمانڈ میں چار دن کی توسیع کردی۔ پولیس نے وجہیہ سواتی اغواء و قتل کیس کے ملزمان کو ریمانڈ حاصل کرنے کیلئے سول جج طلعت وحید کی عدالت میں پیش کردیا۔

ملزمان رضوان، والد حیرت اللہ اور ان کا ملازم سلطان اس کے علاوہ وقوعہ کی جگہ دھونے والی خاتون ملازمہ زاہدہ، ملازم زید اور ملازم یوسف بھی پیش کردیئے گئے۔ عدالت کی جانب سے ملزمان کا4 روزہ ریمانڈ پولیس کو فراہم کردیا گیا، ملزمان کو سخت سیکیورٹی میں عدالت میں پیش کیا گیا، کیس کو اگلی سماعت کیلئے چار جنوری تک ملتوی کردیا گیا۔

واضح رہے کہ 2 ماہ قبل خاتون وجیہہ سواتی اغواء ہوئی تھی، ان کے تین کم عمر بچے امریکا میں ہیں، وجیہہ سواتی اپنے سابق شوہر رضوان حبیب سے جائیداد کا معاملہ حل کرنے پاکستان آئی تھی۔ وجیہہ کے سابق شوہر نے گرفتاری کے بعد اسے قتل کرنے کا اعتراف کیا تھا اور بتایا کہ اس نے اپنی سابقہ اہلیہ کو پاکستان پہنچتے ہی اغواء کیا تھا اور اسے قتل کرکے لاش ڈیرہ اسماعیل خان کے علاقے لکی مروت میں دفنائی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے