بلیو پاسپورٹ پر افغانستان جانا چاہتا ہوں ، اعظم سواتی

تحریک انصاف کے رہنما اعظم سواتی نے کہا ہے کہ وہ نیلے پاسپورٹ پر افغانستان جانا چاہتے ہیں۔چیف جسٹس اشتیاق ابراہیم اور جسٹس وقار احمد نے اعظم سواتی کو افغانستان جانے کی اجازت نہ دینے کے خلاف درخواست پر سماعت کی۔دوران سماعت اعظم سواتی نے کہا کہ مجھے افغانستان جانے کی اجازت نہیں دی جا رہی۔پشاور ہائی کورٹ نے اس حوالے سے وزارت خارجہ سے جواب طلب کر لیا ہے۔علاوہ ازیں میڈیا سے گفتگو کرتے ہوئے اعظم سواتی نے کہا کہ غیر منتخب حکومت نے عدلیہ پر حملہ کیا۔انہوں نے کہا کہ فرسودہ اور انصاف دشمن ترامیم پر انہیں شکست ہوگی، 3 اکتوبر کو پشاور میں وکلا کنونشن ہوگا۔