بلوچستان کے ضلع مستونگ میں سول ہسپتال اور گرلز اسکول چوک پر پولیس موبائل کے قریب ہوا ہے، جس کے نتیجے میں 4 افراد جاں بحق جبکہ 10 سے زائد زخمی ہو گئے۔
پولیس نے بتایا کہ دھماکا پولیس موبائل کے قریب ہوا، جس کے نتیجے میں گاڑی تباہ ہوگئی جبکہ متعدد رکشوں کو نقصان پہنچا۔
پولیس کا کہنا تھا کہ جاں بحق افراد میں ایک پولیس اہلکار اور 3 بچے شامل ہیں جبکہ زخمیوں کو سول ہسپتال منتقل کردیا گیا ہے۔
حکومت بلوچستان نے مستونگ میں اسکول کے قریب بم دھماکے کی مذمت کرتے ہوئے محکمہ داخلہ سے واقعہ سے متعلق رپورٹ طلب کر لی۔
ترجمان صوبائی حکومت شاہد رند نے بتایا کہ ضلعی انتظامیہ، بم ڈسپوزل اسکواڈ اور سیکیورٹی فورسز جائے موقع پر موجود ہیں، دھماکے کی نوعیت کا تعین کیا جا رہا ہے۔
ان کا مزید کہنا تھا کہ موقع سے شواہد اکٹھے کیے جار ہے ہیں، زخمیوں کو طبی امداد کی فراہمی کے لیے ہسپتالوں میں ایمرجنسی نافذ کردی گئی ہے اور تمام ڈاکٹرز اور طبی عملہ طلب کر لیا گیا۔
