ریاض: سعودی عرب نے پاکستان تحریک انصاف (پی ٹی آئی) کے چئیرمین عمران خان پر قاتلانہ حملے کی شدید مذمت کی ہے۔ سعودی وزارت خارجہ کی جانب سے جاری بیان میں کہا گیا ہیکہ سعودی عرب پاکستان کے امن اور استحکام اور ترقی کو نقصان پہنچانے والی سرگرمیوں کے خلاف پاکستان اورپاکستانی عوام کے ساتھ کھڑا ہے۔ پاکستان کے سابق وزیراعظم عمران خان پر قاتلانہ حملے کی شدید مذمت کرتے ہیں۔ سعودی وزارت خارجہ کا مزید کہنا تھا کہ انتہاپسندی، ہرقسم کے تشدد اور دہشتگردی کے خلاف کی جانے والی کوششوں میں پاکستان کے ساتھ ہیں۔
