بھارتی اداکارہ کو جرمنی میں چھٹیاں گزارنے کے دوران حادثہ پیش آگیا۔ بھارتی میڈیا رپورٹ کے مطابق مشہور سٹکام تارک مہتا کا الٹا چشمہ میں ببیتا کا کردار نبھانے والی منمن دتا جرمنی میں حادثہ کا شکار ہوئی ہیں۔ انہوں نے اپنے حادثے کی اطلاع سماجی رابطے کی ویب سائٹ انسٹاگرام پر اپنی پوسٹ کے ذریعے دی اور ساتھ ہی تصویر بھی شیئر کی۔ اداکارہ نے بتایا کہ جرمنی میں میرا ایکسیڈنٹ ہو گیا ہے، کار کے حادثے میں میرے بائیں پیر کے گھٹنے میں چوٹ آئی ہے، جو شدید ہے۔ منمن دتا نے مزید کہا کہ حادثے میں زخمی ہونے کے بعد میں اپنا دورہ مختصر کرکے فورا بھارت واپس لوٹ رہی ہوں۔ بھارتی اداکارہ یورپی ممالک کے دورے پر تھیں، انہوں نے اپنی پوسٹ میں صرف حادثہ ہونے کا ذکر کیا لیکن تفصیلات نہیں بتائیں۔
