لندن: چھوٹے مچھلی گھروں میں خوشنما گولڈ فِش بھلی لگتی ہے اور اب برطانیہ میں اب تک سب سے وزنی گولڈ فِش پکڑی گئی ہے جس کا وزن لگ بھگ 67 پانڈ چار اونس یا 30 کلوگرام ہے۔ بلیو واٹر لیکس کیمطابق یہ ایک انوکھا واقعہ ہے جس میں دوسری بڑی گولڈفِش گرفت میں آئی ہے۔ شوخ نارنجی رنگ کی اس مچھلی کوکیرٹ کا نام دیا گیا ہے۔ تین نومبر کو یہ مچھلی ایک برطانوی فشنگ کھلاڑی اینڈی ہیکٹ نے پکڑی تھی لیکن اس نے اتنی قوت لگائی کہ اسے قابو کرنے میں 25 منٹ کا عرصہ لگا۔ اینڈی کے مطابق یہ اپنی بڑی جسامت کی وجہ سے پانی کے اندر بھی واضح اور بڑی دکھائی دے رہی تھی۔ تاہم اب تک اس مچھلی کی نہ پکڑے جانے کی وجہ بھی سامنے نہیں آسکی۔ واضح رہے کہ بلیوواٹرلیکس تنظیم مچھلیاں پکڑنے والوں کو خاص مقامات دیتی ہے جہاں وہ اپنا شوق پورا کرسکتے ہیں تاہم ایک شرط ہوتی ہے کہ مچھلی 50 پانڈ کے لگ بھگ وزنی ہو لیکن بسا اوقات 90 پانڈ تک کی مخلوق بھی گرفت میں آجاتی ہے۔ تاہم مچھلی پکڑنے اور اس کا وزن کرنے کے بعد دوبارہ اسے پانی میں چھوڑدیا گیا ہے۔
