دبئی: انٹرنیشنل کرکٹ کونسل (آئی سی سی) نے انگلینڈ کے دو کھلاڑیوں اور ایک پاکستانی کھلاڑی کو نومبر 2022 کے مینز پلیئر آف دی منتھ ایوارڈ کے لیے شارٹ لسٹ کرلیا گیا۔ انگلش کرکٹ ٹیم کو ٹی20 ورلڈکپ جتوانے والے کپتان جوز بٹلر کو بھارت جیسی مضبوط سائڈ کیخلاف سیمی فائنل میں 49 گیندوں پر 80 بنانے اور ایلکس ہیلز کے ساتھ 170 سے زائد رنز کی اوپننگ شراکت داری کرنے پر نامزد کیا گیا ہے۔ انہوں نے ایونٹ میں 207 رنز بنائے جس میں 2 نصف سنچریاں بھی شامل تھیں۔ ایونٹ کے فائنل میں پاکستان کیخلاف بھی انہوں نے جارحانہ آغاز فراہم کیا تھا اور شاندار کپتانی کرتے ہوئے قومی ٹیم کو محض 137 رنز تک محدود رکھا تھا۔ ٹی20 ورلڈکپ کے سپر 12 مرحلے کے پہلے تین میچوں عادل راشد کی پرفارمنس پر سوالیہ نشان تھے تاہم آخری تین میچوں میں انہوں نے غیر معمولی کارکردگی کا مظاہرہ کیا اور ٹیم کو میگا ایونٹ کی ٹرافی جتوانے میں اہم کردار ادا کیا۔ لنکن ٹائیگرز کے خلاف راشد نے 4 اوورز میں 16 رنز دیکر ایک وکٹ کا شاندار اسپیل کروایا اور پلیئر آف دی میچ کی کارکردگی پیش کی۔ بھارت کے خلاف سیمی فائنل میں، عادل راشد نے حریف ٹیم کے سوریہ کمار یادیو سے چھٹکارا حاصل کیا اور اپنے 4 اوورز میں صرف 20 رنز دے کر ایک وکٹ حاصل کی جبکہ فائنل میں پاکستان کیخلاف محمد حارث اور بابر اعظم کو یکے بعد دیگرے آٹ کر کے گرین شرٹس کو بڑے دھچکے دیئے، اپنے 4 اوورز کے کوٹے میں انہوں نے 22 رزن کے عوض 2 کھلاڑیوں کو آٹ کیا۔
