آسکر ایوارڈ جیتنے والی فلم کی معروف اداکارہ ترانہ علی دوستی کو ایران میں گرفتار کر لیا گیا۔ غیر ملکی میڈیا کے مطابق ترانہ علی دوستی پر غلط معلومات اور افراتفری کو ہوا دینے کا الزام عائد کیا گیا ہے۔ 38 سالہ ایرانی اداکارہ ترانہ علی نے سوشل میڈیا پر بغیر اسکارف کے تصویر پوسٹ کر کے ایران میں جاری مظاہروں کی حمایت کی تھی۔ غیر ملکی میڈیا کے مطابق اداکارہ نے 8 دسمبر کو احتجاج میں شریک نوجوان کو پھانسی دینے کے روز سوشل میڈیا اکاونٹ پر ایک پوسٹ کی۔ غیر ملکی میڈیا کے مطابق اب اداکارہ کا انسٹا گرام اکاونٹ بھی ڈیلیٹ کر دیا گیا ہے۔ رپورٹس کے مطابق فلم دی سیلز مین کو 2017 میں آسکر ایوارڈ ملا تھا جس میں ترانہ علی دوستی نے مرکزی کردار نبھایا تھا جس کے بعد وہ بہت زیادہ مشہور بھی ہو گئی تھیں۔
