روس سے براستہ یوکرین، یورپ جانے والی گیس پائپ لائن میں دھماکا ہوا ہے۔ ماسکو سے روسی خبر ایجنسی کے مطابق گیس پائپ لائن دھماکے سے 3 افراد ہلاک جبکہ ایک زخمی ہوا۔ اس حوالے سے روسی حکام نے مزید بتایا کہ دھماکے کے بعد پائپ لائن سے گیس کی فراہمی منقطع ہوگئی۔ روسی حکام کا کہنا ہے کہ گیس پائپ لائن میں دھماکے کے بعد لگنے والی آگ کو بجھادیا گیا ہے۔ روسی حکام کا کہنا ہے کہ گیس پائپ لائن میں دھماکا مرمتی کام کے دوران ہوا۔
