بدلتے موسم کے باعث آج کل ہر دوسرا فرد نزلہ و زکام میں مبتلا ہے لیکن بیشتر افراد اسے معمولی اور غیر اہم سمجھ کر نظر انداز کر دیتے ہیں یا پھر بہت سے جوشاندہ کے استعمال کو کافی سمجھ لیتے ہیں۔ تاہم یہ مرض اتنا غیر اہم بھی نہیں جتنا کہ ہم تصور کرتے ہیں۔ ماہرین طب کے مطابق اگر نزلہ و زکام کا بروقت علاج نہ کیا جائے تو یہ دیگر بیماریوں کی وجہ بھی بن سکتا ہے۔ آپ درج ذیل غذا ں کے استعمال سے مدافعتی نظام کو بہتر بنا کر نزلہ و زکام سمیت دیگر بیماریوں سے محفوظ رکھیں میں مدد کرئے گی۔ ماہرین کے مطابق انڈے صحت بخش چکنائی سے بھرپور ہوتے ہیں یہ جسم کے ٹشوز کی بحالی میں مدد کرتے ہیں۔ بالغ افراد عام طور پر روزانہ 2 انڈے تک کھا سکتے ہیں۔ انڈے مکمل غذا ہیں، یہ پروٹین سے بھرپور ہوتے ہیں، اسے کھانے سے آپ کو پیٹ بھرا ہوا محسوس ہوتا ہے اور یہ اضافی کیلوریز کو کم کرنے میں بھی مدد کرتا ہے۔ مونگ پھلی فوری توانائی کا بہترین ذریعہ ہیں کیونکہ یہ صحت بخش چکنائی سے بھرپور ہوتے ہیں۔ ماہرین کے مطابق ہمارے جسم کو اس قسم کی صحت بخش چکنائی ہضم کرنے کے لیے زیادہ وقت درکار ہوتا ہے۔ مونگ پھلی سے تیار کردہ مکھن میں موجود صحت بخش چکنائی غذائیت سے بھرپور ہوتی ہے جو جسم کو گرم رکھنے میں مدد فراہم کرتی ہے لیکن اسے اعتدال میں استعمال کرنا چاہیے۔
