راولپنڈی: عوامی مسلم لیگ کے سربراہ شیخ رشید احمد نے کہا ہے کہ بلاول نیو یارک سے غیر ملکی خواہشات پر عمل کا عندیہ دے رہے ہیں۔ سماجی رابطوں کی ویب سائٹ ٹوئٹر پر جاری بیان میں شیخ رشید نے وزیرخارجہ پر تنقید کرتے ہوئے کہا کہ بلاول کا نیو یارک میں بیان ملک میں نئی جنگ کا آغاز ہوگا۔ بلاول غیر ملکی خواہشوں پر عمل درآمد کا عندیہ دے رہے ہیں۔ پنجاب کی غیر یقینی سیاسی صورت حال پر انہوں نے کہا کہ معاشی بحران کے ساتھ سیاسی بحران مزید گہرا ہوگیاہے ، اسمبلیاں چھوڑنا حق ہے۔ اسٹاک مارکیٹ مندی ،ڈالر مہنگا، مہنگائی 20 فیصد زائد، آئل بل اور دواں کے پیسے نہیں، کیسے چلے گاپاکستان؟۔ سابق وزیر داخلہ نے مزید کہا کہ حکومت کی تبدیلی ملک اورعوام کیگلیپڑگئی ہے۔ انٹرنیشنل ایجنڈاسامنےآناشروع ہوگیاہے۔ آئینی بحران ملک کی جمہوریت کیلیے خطرہ ہے۔ انہوں نے کہا کہ ملک معیشت کی تباہی سے ٹو ٹتے ہیں، سرحدوں پر حملے سے نہیں۔ حکومت نام کی کوئی چیزنہیں، موت کیکنویں کی سرکس لگی ہوئی ہے۔ گورنرپنجاب ازخودڈی نوٹیفکیشن کافیصلہ آسانی سینہیں کرسکتا۔
