کراچی: عالمی کریڈٹ ریٹنگ ایجنسی اسٹینڈرڈز اینڈ پورز گلوبل نے پاکستان کی طویل مدتی کریڈٹ ریٹنگ مائنس بی B-سے کم کرکے CCC+کردی ہے۔ ریٹنگ ایجنسی نے پاکستان کے بارے میں اپنے تجزیے میں کہا کہ پاکستان کے زرمبادلہ کے ذخائر پر آئندہ سال بھی دبا برقرار رہے گا جو پہلے ہی ایک ماہ کے درآمدی بل کی ادائیگی تک محدود ہوچکے ہیں۔ ایجنسی کے مطابق پاکستان میں سیاسی بے یقینی میں آنے والے عرصہ کے دوران مزید اضافہ ہوگا کیونکہ اپوزیشن کی جانب سے نئے انتخابات کے لیے حکومت پر دبا بڑھے گا۔ پاکستان کی موجودہ حکومت کی مدت اگست 2023میں ختم ہوگی اس مدت تک معاشی توازن پیدا کرنے کے لیے بڑے پیمانے پر اصلاحات کا بھی کم امکان ہے۔