ماسکو / کیف: روس نے یوکرین کے کئی شہروں پر متعدد ایک ساتھ متعدد میزائل داغ دئیے، میزائل حملوں میں 14 سالہ لڑکی سمیت 3 افراد زخمی ہوئے ہیں۔ غیر ملکی میڈیا کے مطابق یوکرینی حکام کی جانب سے حالیہ میزائل حملوں کو روس،یوکرین جنگ کے آغاز سے ابتک کیے گئے بڑے حملوں میں سے ایک قرار دیا جارہا ہے، جس میں یوکرینی دارالحکومت کیف سمیت کئی شہروں کو علی الصبح نشانہ بنایا گیا۔ یوکرینی ملٹری حکام کا کہنا ہے کہ روسی فورسز نے یوکرین پر 69 میزائل داغے تھے جن میں سے 54 میزائلوں کو ایئر ڈیفنس سسٹم نے فضا میں ہی تباہ کردیا تھا تاہم باقی میزائل کیف، خارکیف، اڈیسہ، لیو اور زیتومر میں گرے۔ یوکرینی صدر کے مشیر کے مطابق 120 میزائل اب تک یوکرین کی شہری آبادی پر پھینکے جا چکے ہیں۔