کراچی: سوشل میڈیا پر نازیبا الزامات لگانے سے متعلق اداکارہ رابعہ اقبال عرف کبریٰ خان کی درخواست پر ایف آئی اے نے عدالت میں رپورٹ جمع کروا دی۔ رپورٹ کے مطابق سندھ ہائیکورٹ میں معروف اداکارہ کبری خان کی نازیبا الزامات لگانے کیخلاف درخواست پر سماعت ہوئی۔ جسٹس صلاح الدین پہنور کی رخصت کے باعث دوسری بینچ کی تشکیل کے لئے معاملہ چیف جسٹس سندھ ہائیکورٹ کو ارسال کردیا گیا۔ سماعت کے دوران عدالتی حکم پر کبریٰ خان کیخلاف مہم چلانے والے سوشل میڈیا اکاو¿نٹس سے متعلق ایف آئی اے نے رپورٹ پیش کی۔ ایف آئی اے نے رپورٹ میں کہا کہ کبریٰ خان کی درخواست پر کارروائی شروع کر دی ہے۔ کبری خان کیخلاف مہم چلانے والے تمام اکاﺅنٹس بلاک کرنے کیلئے پی ٹی اے کو معاملہ بھیج دیا گیا ہے یوٹیوب، ٹوئٹر، انسٹا گرام سمیت دیگر اکاو¿نٹس بلاک کرنے کیلئے بھی کہہ دیا گیا ہے۔
