بھارتی اداکارہ راکھی ساونت نیکہا ہے کہ میں نماز پڑھتی ہوں اور نوجوان لڑکے لڑکیوں کو بھی تلقین کرتی ہوں کہ نماز پڑھیں۔ راکھی ساونت نے بھارتی میڈیا کو انٹرویو دیتے ہوئے کہا ہے کہ میں ہر مسلمان نوجوان لڑکے لڑکی کو کہوں گی کہ جمعے کے علاوہ باقی نمازیں بھی پڑھیں۔ اداکارہ نے کہا کہ عادل کو نماز کے لیے کھینچ کر لاتی تھی اور کہتی تھی کہ نماز پڑھ لو ورنہ شیطان پکڑ لے گا۔ انہوں نے کہا کہ عادل جمعے کے علاوہ کوئی نماز نہیں پڑھتا تھا، میں ہاتھ پاوں جوڑتی تھی، میں نے اپنا فرض پورا کیا۔ راکھی ساونت نے مزید کہا کہ جنہیں زیادہ دکھ ہیں وہ تہجد کی نماز بھی پڑھیں، میں یوٹیوب سے دیکھ کر ساری نمازیں پڑھتی ہوں۔
