اسٹیٹ بینک کے گورنر جمیل احمد نے کہا ہے کہ آئی ایم ایف کا معاہدہ حتمی ہونے کے قریب ہے۔ سینیٹ کی قائمہ کمیٹی خزانہ کے اجلاس کے دوران گفتگو کرتے ہوئے اسٹیٹ بینک کے گورنر جمیل احمد نے کہا کہ آئی ایم ایف سے معاہدہ ہونے کی بعد باہر سے زرمبادلہ کا ان فلو بڑھے گا۔ جمیل احمد کا کہنا ہے کہ آئی ایم ایف معاہدے کے بعد ڈالر انفلو بہتر ہونے سے فارن ریزرو میں بہتری ا?ئے گی، آئندہ ہفتے کے اختتام تک اسٹیٹ بینک کے ذخائر 4.3 ارب ڈالر ہوں گے، رواں سال کی مہنگائی کی سالانہ شرح 26.5 فیصد تک رہنے کا تخمینہ ہے۔ انہوں نے کہاکہ گزشتہ مالی سال پیٹرولیم مصنوعات کی درا?مد 9.7 ارب ڈالر تھیں،رواں مالی سال پہلے 7 ماہ میں 11.3 ارب ڈالر کی درا?مدات کی گئی ہیں،گزشتہ 2 ماہ میں اضافی60 کروڑ ڈالر مالیت کا خوردنی تیل درا?مد کیا گیا۔
