پاکستان کرکٹ ٹیم کے بیٹر آل راونڈر افتخار احمد نے بھی عمرے لی سعادت حاصل کر لی۔ افتخار احمد نے قومی ٹیم کے فاسٹ بولر حارث روف اور آل راونڈر فہیم اشرف کے ساتھ اپنے ٹوئٹر اکاونٹ پر احرام پہنے ہوئے تصویر شیئر کی ہے۔ قومی کرکٹ ٹیم کے کھلاڑی افتخار احمد نے اپنے پیغام میں لکھا ہے کہ الحمد لِلہ، رمضان جیسے مقدس مہینے میں عمرے کی سعادت حاصل کرنے پر خود خوش قسمت محسوس کر رہا ہوں۔ افتخار احمد نے یہ بھی لکھا ہے کہ مبارک مہینے میں عمرے کی ادائیگی پر اللہ تعالی کا بہت شکر گزار ہوں۔ واضح رہے کہ قومی ٹیم کے فاسٹ حارث روف اور فہیم اشرف نے عمرے کی سعادت حاصل کر لی ہے جبکہ بابر اعظم بھی عمرے کی ادائیگی کے لیے سعودی عرب میں موجود ہیں۔ حارث روف اور بابر اعظم نے سعودی عرب سے اپنی تصاویر سوشل میڈیا پر شیئر کی تھیں۔
