سان فرانسسو: گوگل نے سام سنگ کی طرح اپنا پہلا فولڈ ہونے والا اسمارٹ فون گوگل آئی او کانفرنس میں پیش کردیا ہے۔ اس سے قبل بہت سے تجزیہ کاروں نے اپنے اپنے اندازے پیش کئے تھے۔ اب تفصیلات کے مطابق فولڈ ہونے والا فون مکمل طور پر کھلنے کے بعد یہ چھوٹے سے ٹیبلٹ کی شکل اختیار کرلیتا ہے۔ اس میں او ایل ای ڈی کا 5.8 انچ ڈسپلے ہے۔ اس کے ایک سے دوسرے کونے تک گوریلا گلاس وِکٹس لگایا گیا ہے۔ اسکرین ڈسپلے 2,092 ضرب 1,080 ہے اور مکمل ایچ ڈی آر سپورٹ موجود ہے۔ کلر ڈیپتھ کو 24 بِٹ رکھا گیا ہے۔ ریفریش ریٹ 120 ہرٹز ہے اور مکمل طور پر روشنی کھولی جائے تو وہ 1550 نٹس بنتی ہے، اس کے بیرونی جانب بھی ڈسپلے لگایا گیا ہے جس کے اوپر ساڑھے نو میگا پکسل کا کیمرا لگا ہے۔ جبکہ فورکے ویڈیو ریکارڈنگ بھی کی جاسکتی ہے۔ اندر کی جانب 8 میگاپکسل سیلفی کیمرہ لگایا گیا ہے جو 1080 پکسل کی ویڈیو بناتا ہے۔ اسپلٹ اسکرین کی بدولت آپ ایک وقت میں بہت سے کام کرسکتے ہیں۔ لیکن جب تجزیہ کاروں نیتہہ ہوجانے والے فون کو سیدھا کرکیمیز پر رکھا تو پچھلے کیمرے کے ابھار سے وہ کچھ اٹھا ہوا محسوس ہوا۔ لیکن گوگل نے بار بار اس کیٹیبل ٹاپ موڈ پر زور دیا ہے جو اس صورت میں کچھ پریشانی کی وجہ بنتا ہے۔ اندرونی برقی آلات کی بات کی جائے تو 283 گرام وزنی فون میں گوگل ٹینسر جی ٹو چپ اور ٹائٹن ایم ٹو سیکیورٹی کو پروسیسر لگا ہے۔ 12 جی ریم کے ساتھ کل اسٹوریج 512 جی بی تک ہے۔ فولڈ ہونے والا فون اینڈروئڈ 13 پر کام کرتا ہے اور سال کیآخرتک اپ ڈیٹ ہوکر اینڈروئڈ 14 کی سہولت بھی فراہم کرتا ہے۔ گوگل اس فون کے ساتھ کم ازکم اگلے پانچ برس کے سیکیورٹی اپ ڈیٹس کا بھی پابند ہے۔ دوسری جانب مرکزی کمیرہ 48 میگاپکسل ہے کا ہے جو 82 درجے کے زاویئے پر فیلڈ آف ویو دکھاتا ہے۔، دوسرا کیمرہ الٹروائڈ ہے جو 10اعشاریہ 8 میگاپکسل کا ہے۔ 60 فریم فی سیکنڈ کی فورکے ویڈیو بنانے کی بھی سہولت ہے۔ گوگل پکسل فولڈ کی تعارفی قیمت 1799 ڈالر رکھی گئی ہے۔
