پاکستان کے انٹرنیشنل اسنوکر پلیئر محمد بلال کا 38 سال کی عمر میں انتقال ہوگیا۔ محمد بلال کا انتقال حرکت قلب بند ہو جانے کے سبب ہوا، نمازِ جنازہ آج بعد نمازِ ظہر منڈی بہاالدین میں ادا کی جائے گی۔ محمد بلال نے 2018 میں ایشین 10 بال اسنوکر چیمپین شپ جیتی تھی اور 2018 کی ایشین 6 ریڈ بال چیمپین شپ میں وہ رنر اپ رہے تھے۔ بلال نے اسجد اقبال کے ساتھ 2019 میں ورلڈ ٹیم چیمپین شپ جیتی تھی۔ محمد بلال نے 2016 اور 2019 میں نیشنل اسنوکر چیمپین شپ بھی جیتی تھی۔ پی بی ایس اے کے چیئرمین عالمگیر شیخ اور دیگر مداحوں نے محمد بلال کے انتقال پر اظہارِ افسوس کیا ہے۔
