جھنگ: شورکوٹ موٹروے کے قریب مسافر بس اور ٹرالر میں تصادم، 2 افراد جاں بحق 3 زخمی

شورکوٹ موٹروے کے قریب مسافر بس اور ٹرالر میں تصادم سے دو افراد جاں بحق اور تین زخمی ہوگئے۔ ریسکیو حکام کے مطابق مسافربس سیالکوٹ سے راجن پور جا رہی تھی،جہاں راستے میں المناک حادثہ پیش آیا۔ریسکیو ٹیموں کی جانب سے زخمیوں کوطبی امداد کے لئے قریبی اسپتال منتقل کر دیا گیا۔ گزشتہ روز قبل کندھ کوٹ میں اناج منڈی روڈ پر بھوسے سے بھرا ٹرک رکشے پر الٹ گیا۔ جس کے نتیجے میں ایک ہی خاندان کے بارہ افراد دب گئے۔ اطلاع ملنے پر پولیس اور ریسکیو ٹیمیں اور شہریوں نے لوگوں کو بے ہوشی کی حالت میں نکال کراسپتال منتقل کیا،جہاں پر دو خواتین سمیت چھ افراد دم توڑ گئے جبکے چھ زخمیوں کو رحیم یار خان منتقل کردیا گیا۔