امریکی ڈالر کے مقابلے میں روپیہ مزید تگڑا ہوگیا

ملک بھر میں روپے کے مقابلے میں امریکی ڈالر کی قدر میں تیزی سے گراوٹ آنے لگی۔ سٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قیمت میں 24 پیسے کی گراوٹ دیکھی گئی۔ بیان کے مطابق انٹر بینک میں روپے کے مقابلے میں امریکی ڈلر کی قیمت 287 روپے سے گر گئی، نئی قدر 287 روپے 22پیسے کم ہو کر 286 روپے 98 پیسے ہو گئی ہے۔ مرکزی بینک کے مطابق امریکی کرنسی کے مقابلے میں ملکی کرنسی کی قدر میں 0.08 فیصد کی بحالی دیکھی گئی۔‌دوسری طرف اوپن مارکیٹ میں بھی روپے کے مقابلے میں امریکی ڈالر کی قدر میں گراوٹ دیکھنے کو مل رہی ہے، اس وقت اوپن مارکیٹ میں امریکی کرنسی 290 روپے کے قریب پہنچ گیا ہے جو چند ہفتے قبل 310 روپے کی سطح پر پہنچ گیا تھا۔ اس دوران گزشتہ چند روز کے دوران محض اوپن مارکیٹ میں امریکی ڈالر 20 روپے کے قریب سستا ہو گیا ہے۔
خیال رہے کہ اس سے قبل وفاقی وزیر خزانہ اسحاق ڈار نے بجٹ اجلاس سے قبل کہا تھا کہ ڈالر اپنی اصل قیمت سے 40 روپے زائد میں فروخت ہو رہا ہے۔