افغانستان میں طالبان نے میوزک چلانے پر 6 افراد کو گرفتار کر لیا۔افغان میڈیا رپورٹس کے مطابق مزارِ شریف میں طالبان کی اخلاقی پولیس نے میوزک چلانے پر 6 افراد کو گرفتار کر لیا۔ترجمان طالبان حکومت عبدالرحمٰن حنیف نے بتایا کہ گرفتار 6 افراد نجی تقریب میں میوزک چلا رہے تھے جس پر پولیس نے کارروائی کی ۔ گرفتار افراد کو عدالت بھیجا جائے گا۔واضح رہے کہ اقتدار میں آنے کے بعد سے طالبان حکومت نے ملک میں موسیقی پر پابندی لگائی ہوئی ہے۔
