بالی ووڈ اداکارہ انوشکا شرما اور سابق بھارتی کپتان ویرات کوہلی کے ہاں دوسرے بچے کی پیدائش متوقع ہے۔ بھارتی میڈیا کے مطابق انوشکا شرما کو حال ہی میں شوہر ویرات کوہلی کے ہمراہ میٹرنٹی ہوم میں بھی دیکھا گیا تھا۔ بھارتی میڈیا کا ذرائع کے حوالے سے کہنا ہے کہ انوشکا شرما ان دنوں ویرات کوہلی کے ہمراہ کسی بھی تقریب میں شرکت یا سفر سے گریز کر رہی ہیں، ایسا اتفاق نہیں بلکہ اداکارہ کسی بھی قسم کی قیاس آرائیوں سے خود کو دور رکھنے کے لیے ایسا کر رہی ہیں۔ رپورٹ میں ذرائع کا حوالہ دیتے ہوئے کہا گیا ہے کہ انوشکا شرما دوسری مرتبہ اپنے حاملہ ہونے کا باضابطہ اعلان بعد میں کریں گی۔ واضح رہے کہ ویرات کوہلی اور انوشکا شرما کی شادی دسمبر 2017 میں ہوئی تھی جس کے بعد جنوری 2021 میں ان کے ہاں بیٹی وامیکا کی پیدائش ہوئی تھی۔
