ممبئی: بالی وڈ سپر اسٹار سلمان خان اور کترینہ کیف کی فلم ’ٹائیگر3‘ ڈیجیٹل پلیٹ فارم پر ریلیز کردی گئی اور پاکستانی شائقین بھی اب اسے دیکھ سکیں گے۔ انسٹاگرام پر سلمان خان نے پوسٹ لگائی کہ ان کی ایکشن فلم نامور او ٹی ٹی پلیٹ فارم ایمازون پرائم پر ریلیز کردی گئی ہے۔’ٹائیگر3‘ میں اداکار نے جاسوس ایجنٹ کا کردار ادا کیا ہے اور کترینہ کیف بھی زویا نامی جاسوس کے کردار میں نظر آئیں جبکہ عمران ہاشمی نے فلم میں وِلن کا کردار نبھایا ہے۔تھرلر ایکشن فلم “ٹائیگر 3″ میں شاہ رخ خان اور ہریتھک روشن بھی نظر آئے، ان دونوں اسٹارز کو فلم میں مختصر کردار کے لیے شامل کیا گیا۔یاد رہے کہ ٹائیگر فرنچائز کی یہ تیسری فلم ہے اور اس سے قبل 2012 میں ’ایک تھا ٹائیگر‘ اور 2017 میں ’ٹائیگر زندہ ہے‘ ریلیز کی جاچکی ہے۔
