عمران خان کا امریکا کو انتخابات میں م

لاہور: مسلم لیگ (ن) کی رہنما مریم اورنگزیب نے کہا ہے کہ امریکا کو ملکی انتخابات میں مداخلت دعوت پاکستان کی خودمختاری کے خلاف ہے، عمران خان نے کہا ہے آؤ امریکا میری مدد کرو، ان کا ’’ایبسلوٹلی ناٹ‘‘ ؟ ’’ہم غلام نہیں ہیں‘‘ کا نعرہ کہاں گیا؟‌یہ بات مسلم لیگ (ن) کے رہنما عطا تارڑ اور مریم اورنگزیب نے لاہور میں پریس کانفرنس کرتے ہوئے کہی۔‌مریم اورنگزیب نے کہا کہ کسی کو بھی الیکشن کے نتائج پر اعتراض ہے تو وہ الیکشن کمیشن سے رجوع کرے، میڈیا پر چلائے گئے غیر حتمی نتائج کے حوالے سے پروپیگنڈا کیا جارہا ہے ہم الیکشن کمیشن کے ترجمان نہیں مگر یہ قوانین ہیں، تحریک انصاف کی جانب سے بلاوجہ کی انارکلی اور انتشار پھیلا جارہا ہے، پی ٹی آئی والے اس وقت بھی انتشار پھیلارہے تھے جب چین کے صدر آرہے تھے، بجلی کے منصوبے بن رہے تھے، اسی طرح طاہر القادری کے ساتھ بیٹھ کر وہ قبریں کھود رہے تھے، آر ٹی ایس تو 2018ء میں بیٹھا اور آج یہ دھاندلی کی بات کررہے ہیں۔‌مریم اورنگزیب نے کہا کہ پی ٹی آئی والوں کا دماغ ہی انتشار پھیلانے کا ہے اگر یہ کسی چیز کے ماہر ہیں اور شاباشی کے مستحق ہیں تو انتشار فتنہ و فساد پھیلانے اور ملک کو معاشی تباہ کرنے کے ہیں، آج تک کس جماعت کے سربراہ نے کہا ہے کہ کسی اور ملک سے کہ وہ ہمارے انتخابات میں مداخلت کرے؟ اس کا مطلب ہے کہ آپ امریکا کے غلام ہیں آپ کو وہاں سے فارن فنڈنگ آتی ہے اور آپ ملکی خودمختاری کے خلاف کسی ملک کو مداخلت کی دعوت دے رہے ہیں، میں عالمی میڈیا سے کہتی ہوں کہ پی ٹی آئی والے ہارے ہوئے ہیں ان کے پاس دھاندلی کے کوئی ثبوت نہیں ہیں اگر انہیں اعتراض ہے تو قانون کے مطابق الیکشن کمیشن سے رجوع کریں۔‌انہوں ںے کہا کہ عمران خان کی جانب سے یہ کہنا آؤ امریکا میری مدد کرو، اب وہ ’’ایبسلوٹلی ناٹ‘‘ کہاں گیا؟ ’’ہم غلام نہیں ہیں‘‘ کہاں گیا؟ اس طرح کسی ملک کو دعوت دینے کا کیا مطلب ہے؟ یہ امریکن ایجنٹس ہیں انہیں فنڈنگ آتی ہے اور کارکردگی نہ دکھائی تو کیا جواب دیں گے امریکا کو اسی لیے یہ شور مچارہے ہیں؟‌انہوں ںے کہا کہ میں یقین سے کہتی ہوں کہ ان کی جماعت کے اندر فارن فنڈنگ کے ذریعے فارن ایجنٹ موجود ہیں جن کا سربراہ عمران خان ہے جو ملکی انتخابات میں مداخلت کی دعوت دے کر پاکستان کو مزید انتشار کا شکار کرنا چاہتے ہیں۔‌مریم اورنگزیب نے کہا کہ الیکشن میں ہرگز دھاندلی نہیں ہوئی فارم 45 مرتب ہونے میں وقت لگتا ہے مگر پی ٹی آئی والوں نے پہلے ہی وائرل کردیے، عالمی میڈیا کو بھی بتاتی ہوں کہ یہ جو فارم 45 میڈیا پر آئے ہوئے ہیں درست نہیں پی ٹی آئی والے فارم 45 کے جھوٹے اسکرین شارٹ دکھارہے ہیں اور ساتھ میں میڈیا اور سوشل میڈیا کو کوڈ کررہے ہیں۔‌مولانا فضل الرحمان ہمارے لیے قابل احترام ہیں، میں ان سے واقف ہوں ان کا پی ٹی آئی سے اتحاد ہوتا ہوا نظر نہیں آرہا، انہیں کچھ اعتراضات ہیں جس پر انہوں نے متعلقہ پلیٹ فارم سے رجوع کررکھا ہے۔‌انہوں ںے مزید کہا کہ اگر آپ کو آج بھی انتخابات پر اعتراض ہے تو اس کا فورم انٹرنیشنل میڈیا یا کسی ہوٹل میں پریس کانفرنس کرنا نہیں ہے یا کسی ملک کو مداخلت کی دعوت دینا نہیں ہے، ہم اس فعل کی مذمت کرتے ہیں۔