لاہور:پاکستانی شوبز انڈسٹری کے معروف اداکار آریز احمد نے سوشل میڈیا پر اپنی اہلیہ حبا بخاری کیلئے کھل کر محبت کا اظہار کر دیا۔گزشتہ دنوں آریز احمد نے فوٹو اینڈ ویڈیو شیئرنگ ایپ انسٹاگرام پر اپنی چند تصاویر مداحوں کے ساتھ شیئر کیں جن میں وہ اپنی پالتو بلی کے ساتھ مصروف نظر آئے۔پوسٹ کے کمنٹ سیکشن میں مداح نے انہیں چھیڑتے ہوئے لکھا کہ "لگتا ہے بھابھی وقت نہیں دیتیں”، صارف کو جواب دیتے ہوئے آریز نے لکھا کہ "جس نے دل دے دیا اس سے وقت کا گلہ نہیں کیا کرتے پگلے”۔ایک اور صارف کو جواب دیتے ہوئے آریز احمد نے کہا کہ "جب اہلیہ کتاب پڑھتی ہیں تو میں اس کو پڑھتا ہوں اور جب وہ نہیں ہوتیں تو میں کتاب پڑھ لیتا ہوں”۔
