واشنگٹن: امریکی حکومت نے پر اسرار سیکیورٹی نقص کی وجہ سے اپنے ملازمین کو فوری طور پر اپنے گوگل پکسل فونز اپ ڈیٹ کرنے کا حکم دے دیا۔ٹیکنالوجی کمپنی گوگل کی جانب سے اس نقص کا حل جاری کیا جا چکا ہے جس کا تعلق مبینہ طور پر اینڈرائیڈ آپریٹنگ سسٹم میں موجود ایک بگ سے ہے۔ تاہم، کمپنی کی جانب سے اس کے متعلق تفصیلات نہیں بتائیں گئی کہ یہ بگ کس طرح نقصان پہنچا سکتا ہے۔امریکی حکومت کی جانب سے جاری انتباہ میں کہا گیا کہ اینڈرائیڈ پکسل کے فرم ویئر میں ایک مبہم نقص موجود ہے جو پریولیج ایسکیلیشن (ایک تکنیک جس کو استعمال کرتے ہوئے سائبر حملہ آور کسی سسٹم تک غیر قانونی رسائی حاصل کر لیتا ہے) کو ممکن بناتا ہے۔ انتباہ میں مزید کہا گیا کہ وینڈر کی ہدایات کے مطابق اقدامات کا اطلاق کریں اور اگر اقدامات دستیاب نہیں تو پروڈکٹ کا استعمال بن کر دیں۔یہ سیکیورٹی ایشو ایک زیرو ڈے ایکسپلائیٹ ہے یعنی ہیکرز اس نقص کو حل کرنے کے لیے اقدامات سے قبل ہی اس کو استعمال کرتے ہوئے سائبر حملہ کر سکتے ہیں۔
سا ئنس و ٹیکنالوجی
امریکی حکومت کا اپنے ملازمین کو گوگل فون اپ ڈیٹ کرنے کا حکم
- by web desk
- جون 27, 2024
- 0 Comments
- Less than a minute
- 111 Views
- 2 مہینے ago