سان فرانسسو: بالخصوص کووڈ 19 کی وبا میں مجازی میٹنگ اور آن لائن تعلیم دنیا بھر میں گویا ایک فیشن بن گئی۔ اس تناظر میں جہاں بہت ساری ایپس سامنے آئی ہیں وہیں ان میں نت نئی جدتیں بھی پیدا کی گئی ہیں۔ اب گوگل نے اپنی مشہور ایپ میٹ میں مجازی بیک گرانڈ پیش کر دیا ہے جو 360 درجے پر دکھائی دیتا ہے۔ لوگ چاہتے ہیں کہ گفتگو کے دوران کوئی ان کیگھر میں بکھری اشیا نہ دیکھے اور اسی لیے ویڈیو کانفرنسنگ میں ورچول بیک گرانڈ کی ضرورت پیش آئی ہے۔ گوگل میٹ نے اینڈروئڈ اور آئی او ایس دونوں کے یہ سہولت پیش کی ہے جو فون کے اندرونی جائرواسکوپ کی بدولت بیک گرانڈ بدلتا ہے اور یوں ورچول میٹنگ میں ایک نئے اور عرصے سے متقاضی فیچر سامنے آیا ہے۔
