سابق چیف جسٹس بلوچستان ہائیکورٹ نامعلوم افراد کی فائرنگ سے شہید

کوئٹہ: سابق چیف جسٹس بلوچستان ہائی کورٹ محمد نور مسکانزئی خاران میں نامعلوم افراد کی فائرنگ سے شہید ہوگئے۔ ڈی آئی جی رخشان ڈویژن نذیر کرد نے بتایا کہ سابق چیف جسٹس پر مسجد میں عشا کے نماز کے دوران فائرنگ کی گئی۔ فائرنگ کے نتیجے میں بلوچستان ہائی کورٹ کے سابق چیف جسٹس زخمی ہوئے جس پر انہیں اسپتال منتقل کیا گیا تو وہ دوران علاج جانبر نہ ہوسکے۔ نور مسکان زئی دسمبر 2014 سے اگست 2018 تک چیف جسٹس بلوچستان ہائیکورٹ رہے اور وہ فیڈرل شریعت کورٹ کے سابق چیف جسٹس بھی رہے ہیں۔