سان فرانسسکو: ایپل کمپنی نے سیٹلائٹ کمیونکیشن میں دلچسپی کا اظہار کرتے ہوئے اپنے اسمارٹ فون کے لیے پیٹنٹ حاصل کرلی ہے جس کے تحت وہ عام سیل فون نیٹ ورک کے ساتھ ساتھ سیٹلائٹ فون سے بھی جڑسکیں گے۔ ٹیکنالوجی کے بعض تجزیہ نگاروں کیمطابق ایپل کمپنی نے سات اکتوبرکو ایک حقِ ملکیت (پیٹنٹ) حاصل کیا ہے جس میں غیرارضی مواصلات کو ارضیاتی مواصلات کی طرح استعمال کرنا ہے۔ اس سے ثابت ہوتا ہے کہ ایپل کیاگلے آئی فون سٹلائٹ روابط کے حامل ہوسکتیہیں۔ پیٹنٹ کے مطابق یہ روابط وہ براہِ راست بھی ہوسکتے ہیں۔ پیٹنٹ سے ظاہر ہوتا ہے کہ ایپل کے اگلے آلات میں ایسے ٹرانسمیٹر اور ریسیور ہوں گے جو زمینی نیٹ ورک کی طرح سیٹلائٹ سے رابطہ کرسکیں گے۔ تاہم اس پیٹنٹ کی دیگرتفصیلات سامنے نہیں آسکی ہیں۔
