این اے 45 ضمنی انتخاب کے نتائج کا سلسلہ جاری عمران خان کی برتری

کرم: قومی اسمبلی کے حلقہ این اے 45 کرم میں ضمنی انتخاب کے دوران پولنگ کا وقت ختم ہونے پر اب ووٹوں کی گنتی کے ساتھ غیر حتمی غیر سرکاری نتائج آنے کا سلسلہ جاری ہے۔ قومی اسمبلی کے حلقہ این اے 45 کرم میں ضمنی انتخاب کیلیے اصل مقابلہ عمران خان اور پی ڈی ایم کے مشترکہ امیدوار جمیل چمکنی کے درمیان ہے۔ یہاں رجسٹرڈ ووٹرز کی تعداد ایک لاکھ 98 ہزار 618 ہے جس میں 111349 مرد اور 87269 خواتین ووٹرز شامل ہیں۔ حلقے کے تمام 143 پولنگ اسٹیشنز پر صبح نو سے شام پانچ پولنگ جاری رہی۔ اس دوران کوئی ناخوشگوار واقعہ پیش نہیں آیا۔ پولنگ کا وقت ختم ہونے کے بعد اب ووٹوں کی گنتی اور غیر حتمی غیر سرکاری نتائج آنے کا سلسلہ جاری ہے۔
غیر حتمی غیر سرکاری نتائج اب تک سامنے آنے والے 138 پولنگ اسٹیشنز کے غیر حتمی غیر سرکاری نتائج کے مطابق عمران خان 20096 ووٹ لے کر پہلے جبکہ پی ڈی ایم کے امیدوار جمیل خان کے 11920 ووٹ لے کر دوسرے نمبر پر ہیں۔ ضلعی الیکشن کمشنر عبدالرف خان کا کہنا ہے کہ حلقہ کے 24 پولنگ اسٹیشن انتہائی حساس اور 119 حساس قرار دئیے گئے ہیں۔ ادھر ڈپٹی کمشنر نے کہا ہے کہ پولنگ اسٹیشنز پر سیکیورٹی سمیت ضروری انتظامات اطمینان بخش طریقے سے مکمل کیے گئے ہیں۔