راولپنڈی(سٹاف رپورٹر)نصیر آباد پولیس اور محکمہ فوڈ نے مشترکہ کارروائیاں کرتے ہوئے آٹے اور گندم سے لدی2 گاڑیاں سمگل کرنے کی کوشش ناکام بناکر 650 تھیلے گندم اور 220 ٹن آٹا/میدہ برآمدکرلیا۔ تفصیلات کے مطابق نصیر آباد پولیس اور محکمہ فوڈ نے مشترکہ کارروائیاں کرتے ہوئے آٹے اور گندم سے لدی 02 گاڑیاں سمگل کرنے کی کوشش ناکام بنا دی، ڈرائیوروںشیر عالم اور نصیر کو گرفتا رکرکے 650 تھیلے گندم اور 220 ٹن آٹا/میدہ برآمدکرلیا گیا، ایس پی پوٹھوہارطارق محبو ب نے کہاکہ غیر قانونی گندم اور آٹے کی ترسیل کرنے والوں کے خلاف کارروائی یقینی بنائی جائے گی۔
