لندن: کمپیوٹراورفون کے بے دریغ استعمال سے ہماری گردن میں اینٹھن اور تکلیف عام ہوچکی ہے۔ اس کیلیے فزیوتھراپی یا ادویہ استعمال کی جاتی ہیں۔ تاہم اب ایک جدید الٹراسانڈ مساجر سے اس تکلیف کو دور کیا جاسکتا ہے۔ کراڈ فنڈنگ ویب سائٹ پر موجود اس ایجاد کا پورا نام پورٹیبل الٹراسانڈ مساجر یا پی یو ایم ہے۔ یہ ایک سیکنڈ میں دس لاکھ لاکھ ارتعاشات خارج کرتا ہے جو گوشت اور ہڈیوں کی گہرائی تک پہنچتے ہیں۔ ایک میگاہرٹز کی الٹراسانڈ شعاعیں اعصاب اور ہڈیوں کو راحت پہنچاتے ہیں۔ اس کے علاوہ پی یو ایم میں پٹھے اور عضلات کو سکون پہنچانے والا بھی نظام بھی ہے۔ اس کا تیسرا کام دورانِ خون کو بڑھانا ہے جس سے بہت افاقہ ہوتا ہے۔ اسے بنانے والی کمپنی کا دعوی ہے کہ صرف 14 روز میں پی یو ایم کے فوائد سامنے آنا شروع ہوجاتے ہیں اور فزیوتھراپی پر خطیر رقم کی ضرورت نہیں ہوتی۔ فون اور کمپیوٹر آج کے دور میں عام ہوچکے ہیں اور بالخصوص اسمارٹ فون کیبے تحاشہ استعمال سے ہم گردن جھکانیکے عادی ہوچکے ہیں جس سے گردن پر بوجھ پڑتا ہے اور عوام کی بڑی تعداد گردن کی تکلیف میں مبتلا ہے۔ اس کا طبی نام اسٹرنوکلائڈومیسٹوئڈ( ایس سی ایم) ہے جس سے گردن کے علاوہ کندھوں پر بوجھ بڑھتا ہے اور دردِ سر عام ہوجاتا ہے۔
