پیرس: ماحول کے تحفظ کے لیے فرانس نے قلیل دورانیے کی اندرونِ ملک پروازوں پر پابندی عائد کر دی۔ بین الاقوامی میڈیا رپورٹ کے مطابق یورپین کمیشن نے فرانس کے اس اقدام کی منظوری دے دی جس کے تحت 2.5 گھنٹے سے کم مسافت رکھنے والے شہروں، جہاں ریل گاڑی سے جایا جاسکتا ہے، کے درمیان پروازوں کو ختم کر دیا جائے گا۔ پروازوں پر عائد کی جانے والی پابندی کے متعلق فیصلے کا اعلان جمعے کو کیا گیا۔ یہ پابندی 2021 کے موسمیاتی قانون کا حصہ جس کو پہلے فرانس کی سٹیزنز کنونشن آن کلائمیٹ کی جانب سے پیش کیا گیا تھا۔فرانس ٹرانسپورٹ کو ماحول دوست بنانے کی بابت چھوٹے فاصلوں کے لیے نجی جہازوں کے استعمال پر بھی سخت اقدامات کر رہا ہے۔ فرانس کے وزیرِ ٹرانسپورٹ کلیمنٹ بیونے کا کہنا تھا کہ فرانس اب یہ قطعی طور پر برداشت نہیں کرے گا کہ امیر طبقہ نجی جہاز استعمال کرے جبکہ عوام توانائی کے بحران اور موسمیاتی تغیر سے نمٹنے کے لیے فراہمی کی کمی کا سامنا کر رہے ہوں۔ ایک پریس ریلیز میں وزیرِ ٹرانسپورٹ کا کہنا تھا کہ یہ اقدام گرین ہاس گیس کے اخراج میں کمی کی پالیسی کے تحت لیا گیا ہے۔
