کراچی: پاکستان پیپلز پارٹی کی جانب سے یو سی 2 کورنگی سے وائس چیئرمین کے امیدوار سید وقار حسین شاہ طویل علالت کے بعد مقامی اسپتال میں انتقال کرگئے۔ سید وقار حسین شاہ ماضی میں متحدہ قومی مومنٹ سے منسلک تھے اور ایم کیو ایم کے ٹکٹ پر رکن سندھ اسمبلی بھی رہ چکے تھے جب کہ وہ پاکستان پیپلز پاٹی ضلع کورنگی کے موجودہ الیکشن سیل انچارج اور یوسی 2 کورنگی سے وائس چیئرمین کے امیدوار تھے۔ سابق رکن سندھ اسمبلی کی نمازہ جنازہ بعد نمازعصر قیوم آباد عثمانیہ مسجد میں ادا کی گئی اورمقامی قبرستان میں سپرد خاک کردیا گیا۔
