امارت اسلامیہ کے ترجمان ذبیح اللہ مجاہد کا کہنا ہے کہ امارت اسلامیہ پاکستان سمیت تمام پڑوسی ممالک سے اچھے تعلقات کی خواہاں ہے، پاکستانی حکام کے بیانات غلط ہیں انہیں مسترد کرتے ہیں۔ کابل سے ترجمان امارت اسلامیہ افغانستان کے بیان کے مطابق حالیہ دنوں میں پاکستانی حکام کی جانب سیافغانستان کے خلاف دیے جانے والے بیانات قابل افسوس ہیں۔ ترجمان کے مطابق پوری کوشش کر رہے ہیں کہ افغان سرزمین پاکستان یا کسی بھی ملک کے خلاف استعمال نہ ہو۔ ہم اس مقصد کے لیے پوری طرح سنجیدہ ہیں۔ ترجمان نے کہا کہ امارت اسلامیہ اپنے ملک کے اندر امن و استحکام کو اہمیت دیتی ہے۔ خطے میں امن و استحکام چاہتے ہیں، اس سلسلے میں اپنی کوششیں جاری رکھیں گے۔
