کراچی: خواتین کا تنگ لباس پہن کر بائیک پر بیٹھنے کے متعلق بہروز سبزواری کے بیان پر اداکارہ مومل شیخ نے اپنا ردعمل دیا ہے۔ مومل شیخ نجی ٹی وی چینل کے ٹاک ٹاک شو میں شریک ہوئی جہاں انہوں نے اپنے کیریئر کے مختلف مراحل پر تفصیلی گفتگو کی۔ سینئر اداکار بہروز سبزواری نے کچھ دن قبل ایک انٹرویو میں کہا تھا کہ خواتین کو تنگ لباس پہن کر بائیک میں نہیں بیٹھنا چاہئے، یہ عمل مناسب نہیں ہے۔ مومل شیخ کا کہنا تھا کہ بہروز سبزواری نے جو بات کی ہے، اسے ہم ان کا نقطہ نظر کہہ سکتے ہیں، ممکن جب وہ انٹرویو کیلئے آرہے ہوں تو انہوں نے اس چیز کا مشاہدہ کیا ہو اور پھر انہوں نے میزبان کے سامنے اپنے خیالات کا اظہار کردیا۔
