قومی اسمبلی میں واپسی کیلئے پی ٹی آئی کو اپنے استعفے واپس لینے ہوں گے رانا ثناء اللّٰہ

وفاقی وزیر داخلہ رانا ثنا اللہ نے کہا ہے قومی اسمبلی میں واپسی کے لیے پاکستان تحریک انصاف (پی ٹی آئی) کو اپنے استعفے واپس لینے ہوں گے۔ اپنے بیان میں رانا ثنا اللہ نے کہا کہ قومی اسمبلی میں پاکستان تحریک انصاف کو ویلکم کریں گے، پہلے دن سے کہہ رہے ہیں کہ اسمبلی میں واپس آئیں، سیاستدان بنیں۔ رانا ثنا اللہ نے یہ بھی کہا کہ پی ٹی آئی واپس آئے تو اسپیکر ان کے استعفے واپس دے سکتے ہیں، یہ ملک کو دیوالیہ کرنے کی مہم چلا رہے ہیں۔ وزیر داخلہ نے کہا کہ پنجاب میں بھرپور الیکشن لڑیں گے۔