معروف گلوکارہ شاہدہ منی نے اپنا نیا سونگ میں نہ جمدی کو پاکستان سمیت دنیا بھر میں ریلیز کردیا۔ اس گانے کو خصوصی طور پر ریمکس کیا گیا ہے جس کو نامور میوزک پروڈیوسر نعمان روف حیدر نے پروڈیوس اور اس کا میوزک، ڈائریکٹر مجتبی علی نے ترتیب دیا ہے جس میں گلوکارہ شاہدہ منی اور ماڈل علی جمشید نے ماڈلنگ کی۔ گانے کو فلم انڈسٹری کے نامور میوزک ڈائریکٹر ماسٹر عبداللہ کو ٹربیوٹ پیش کیا گیا ہے، ماسٹر عبداللہ نے ماضی کی معروف لالی وڈ فلم شریف بدمعاش میں شامل گانے میں نہ جمدی کا میوزک ترتیب دیا تھا۔
