شروتی ہاسن نے کانز فلم فیسٹیول میں شرکت کی، ادکارہ سیاہ لباس میں نہایت دلکش لگ رہی تھیں۔ شروتی نے میڈیا سے بات کرتے ہوئے فلم انڈسٹری میں معاوضوں کے فرق پر بات کی۔ ان کا کہنا تھا کہ ابھی تو معاوضوں میں برابری نہیں ہوئی اور ہم صنفی مساوات کے خواب دیکھ رہے ہیں۔ شروتی نے کہا کہ خواتین کے تحفظ، بچیوں کی تعلیم، صفائی ستھرائی اور صحت کے متعلق بھی بہت تشویش ہے۔ انہوں نے کہا کہ انٹرٹینمنٹ انڈسٹری میں تبدیلی بہت آہستہ سے آرہی ہے لیکن تسلسل کے ساتھ آرہی ہے۔ ان کا کہنا تھا کہ وہ ہمیشہ ہی معاوضے میں عدم مساوات کا نشانہ بنتی ہیں، معاوضہ بہتر ہوگیا ہے لیکن برابر نہیں ہے۔
