راولپنڈی میں دفعہ 144 میں 4 جون تک توسیع کردی گئی، جلسے، جلوس، ریلیوں اور اجتماعات پر پابندی کا نوٹیفکیشن بھی جاری کردیا گیا۔ ڈپٹی کمشنر راولپنڈی کی جانب سے جاری نوٹیفکیشن کے مطابق ضلع بھر میں نافذ دفعہ 144 میں 4 جون تک توسیع کردی گئی۔ نوٹیفکیشن میں کہا گیا ہے کہ ضلع بھر میں جلسے، جلوس، ریلیوں اور اجتماعات پر مکمل پابندی رہے گی، اسلحہ کے استعمال کی بھی اجازت نہیں ہوگی۔ نوٹیفکیشن کے مطابق دفعہ 144 کی خلاف ورزی کرنیوالوں کیخلاف قانونی کارروائی کی جائے گی۔ واضح رہے کہ دفعہ 144 میں 4 یا اس سے زائد افراد کے ایک جگہ جمع ہونے، احتجاج یا مظاہروں پر بھی پابندی ہوتی ہے۔
