خیبرپختونخوا کے ضلع شمالی وزیرستان کے علاقے اسپین وام میں انسداد پولیوٹیم پر فائرنگ ہوئی ہے۔ ذرائع کے مطابق دہشتگردوں نے پولیو ٹیم کی سیکیورٹی پر مامور اہلکاروں پر فائرنگ کی،فائرنگ سے ایک سیکیورٹی اہلکار شہید اور ایک زخمی ہوگئے۔ حملے کے بعد سیکیورٹی فورسز نے دہشت گردوں کی گرفتاری کےلیے علاقے میں سرچ آپریشن شروع کردیا جبکہ زخمی اہلکار کو طبی امداد کےلیے قریبی اسپتال منتقل کردیا گیا۔
