عید الضحی کے موقع پر مہوش حیات اور وہاج علی کی نئی آنے والی 123واں فلم ، تیری میری کہانی میں شامل ایک فلم ہے۔ خلیل الرحمان قمر نے اس فلم کو تحریر کیا۔ پاکستان کو سب سے زیادہ کامیاب ترین فلمز دینے والی اداکارہ مہوش حیات بڑی عید کے موقع پر بھی سینما گھروں میں دکھائی دیں گی اپنی نئی آنے والی فلم 123 واں میں۔ ندیم بیگ کی ہدایت کردہ اس فلم میں مہوش پاکستان کے اس وقت کے سب سے زیادہ ٹرینڈنگ کیے جانے والے اداکار وہاج علی کے ساتھ اسکرین شیئر کر رہی ہیں۔ سما ڈیجیٹل سے بات کرتے ہوئے مہوش حیات نے بتایا کہ وہاج علی کے ساتھ انہوں نے پہلی مرتبہ کام کیا۔ ان کے ساتھ کام کرنے کا تجربہ تازگی سے بھرپور تھا ، مہوش کا کہنا تھا کہ وہاج بہت میچیور اداکار ہیں۔ جو کہانی میں اپنے کردار کے ساتھ بے حد انصاف کرتے ہیں اسکرپٹ پر مکمل طور پر عبور رکھتے ہیں۔ مہوش نے 123 واں فلم میں اپنی لک کے حوالے سے بتایا کہ انہوں نے پہلی مرتبہ اس فلم میں نبھائے جانے والے کردار کے لیے ساڑھی زیب تن کی۔ مہوش کا کہنا تھا کہ وہ اس فلم کے لیے پر امید ہیں کہ ان کے مداحوں کو فلم میں ان کا کردار اور لک دونوں ہی پسند آئیں گے۔ انہوں نے کہا کہ فلم کے ڈائیلاگز خلیل الرحمان قمر نے لکھے جو کہ ہر لحاظ سے خوبصورت ہیں۔ مہوش کا کہنا ہے کہ وہ اسی لیے کم پراجیکٹس میں نظر آتی ہیں کیونکہ وہ اپنے مداحوں کو بہترین کونٹینٹ میں دکھائی دینے کی خواہش رکھتی ہیں۔ انہوں نے کہا کہ ان کی کوشش ہوتی ہے کہ سال میں ایک یا دو کوئی بھی اچھے پراجیکٹ دے سکوں تاکہ ان کے مداح ان کی اداکاری سے محظوظ ہو سکیں۔ اداکارہ کا کہنا تھا کہ اپنے مداحوں کے لیے وہ اس وقت ڈراموں کے اسکرپٹس پڑھ رہی ہیں ساتھ ہی انہوں نے اشارہ دیا کہ اگلے برس کو ٹی وی اسکرین پر ٹی وی ڈرامہ کرتیں دکھائی دیں گی۔ انہوں نے کہا کہ وہ کوشش کرتیں ہیں کہ سال میں ایک یا دو اچھے پراجیکٹس دیں تو 123 واں ان ہی میں سے ایک ہے۔ مہوش کا کہنا تھا کہ وہ عید کے بعد اپنے مداحوں کو ایک بڑا سرپرائز دیے گی۔ مہوش نے یہ بھی بتایا کہ انہوں نے آخری مرتبہ اپنی فلم لندن نہیں جاونگا کو ٹی وی پر دیکھا۔
