عالمی بلین مارکیٹ میں فی تولہ سونے کی قیمت میں کمی کیبرعکس مقامی مارکیٹ میں اضافہ ریکارڈ کیا گیا۔ بین الاقوامی مارکیٹ میں فی اونس سونے کی قیمت مزید 19 ڈالر کی کمی سے 1929 ڈالر کی سطح پر آگئی ، لیکن اس کے برعکس مقامی صرافہ مارکیٹوں میں فی تولہ سونیکی قیمت میں 1700روپے کا بڑااضافے ریکارڈ کیا گیا۔ اس اضافہ کے بعد کراچی، حیدرآباد، سکھر ،ملتان ،لاہور، فیصل آباد، راولپنڈی ،اسلام آباد، پشاور اور کوئٹہ کی صرافہ مارکیٹوں میں فی تولہ سونے کی قیمت 2لاکھ 20 ہزار 700 روپے کی سطح پر پہنچ گئی ۔ اس طرح دس گرام سونے کی قیمت 1458روپے بڑھکر 189215روپے کی سطح پر آگئی۔ دوسری جانب فی تولہ چاندی کی قیمت بغیر کسی تبدیلی کے 2650روپے اور دس گرام چاندی کی قیمت بھی بغیر کسی تبدیلی کے 2271.94 روپے پر مستحکم رہی۔
