لاہور: نامور پاکستانی اداکارہ ثروت گیلانی نے دوبارہ سکرین پر واپسی کا عندیہ دے دیا۔حال ہی میں اداکارہ ثروت گیلانی نے فوٹو اینڈ ویڈیو شیئرنگ ایپ انسٹا گرام پر ایک تصویر شیئر کی جس میں انہیں کسی شوٹ کی ریکارڈنگ میں دیکھا جاسکتا ہے۔تصویر کے کیپشن میں اداکارہ نے مداحوں سے سوال کیا کہ آپ سب مجھے کہاں دیکھنا پسند کریں گے؟ ڈراموں میں، کمرشلز میں، ویب سیریز میں یا پھر فلموں میں؟مذکورہ پوسٹ پر ردعمل میں صارفین کی بڑی تعداد نے انہیں ڈراموں میں واپسی کا کہا، تاہم اداکارہ نے کس شوٹ کے دوران لی گئی تصویر شیئر کی ہے اس بارے کچھ بھی کہنا قبل از وقت ہوگا۔خیال رہے کہ اس سے قبل اداکارہ نے سوال و جواب کے سیشن کے دوران بتایا تھا کہ وہ نومولود کی پیدائش کے بعد سے اپنی صحت پر توجہ دے رہی ہیں اور فی الحال کوئی بھی پراجیکٹ نہیں کر رہیں۔
